meta pixel nədir

Meta Pixel nədir?

İçindəkilər

Meta Pixel - vebsaytınıza yerləşdirilən (Head ) kiçik bir kod parçasıdır. Bu kod vasitəsi ilə veb-saytınıza daxil olan istifadəçilərin davranışlarını Meta (Facebook və Instagram) vasitəsilə izləyə, ölçə və hədəf reklam kampaniyaları qura bilərsiniz.

Meta Pixelin əsas funksiyaları:

  • İstifadəçilərin hansı səhifələrə daxil olduğunu izləmək

  • Satış, qeydiyyat və digər dönüşümləri ölçmək

  • Reklam büdcəsini daha səmərəli istifadə etmək

  • Yenidən hədəfləmə (retargeting) kampaniyaları yaratmaq

Rəqəmsal marketinq dünyasında uğurlu nəticələr əldə etmək üçün müştərilərin davranışlarını izləmək və düzgün analiz etmək çox vacibdir. Bu məqsədlə istifadə olunan ən güclü vasitələrdən biri Meta Pixel-dir. Əvvəllər Facebook Pixel kimi tanınan bu alət, indi Meta ekosisteminin əsas analitika vasitəsi kimi təqdim olunur.

Bu yazıda Meta Pixel nədir, nə üçün istifadə olunur və necə qoşulur mövzularını ətraflı izah edəcəyik. Əgər onlayn reklam kampaniyaları aparırsınızsa və daha çox dönüşüm (conversion) əldə etmək istəyirsinizsə, Meta Pixel sizin üçün vacib bir addım olacaq.


Niyə Meta Pixel istifadə etməlisiniz?

Biznesiniz varsa və reklam edirsinizsə, Meta Pixel olmadan kampaniyalarınız natamam qalacaq. Çünki bu vasitə:

1. Dönüşümləri ölçməyə kömək edir

    Meta Pixel vasitəsilə reklam kampaniyalarınızın real nəticələrini görə bilərsiniz. Məsələn, neçə nəfər məhsulu səbətə əlavə edib, amma almayıb və ya neçə nəfər ödənişi tamamlayıb.

2. Yenidən hədəfləmə (Retargeting) imkanı yaradır

    Saytınıza daxil olan, amma alış etməyən və ya formu doldurmayan müştərilərə sonradan yenidən reklam göstərə bilərsiniz. Bu, satış şansınızı artırır.

3. Lookalike Audience yaratmağa imkan verir

    Meta Pixelin topladığı məlumatlar sayəsində biznesinizə uyğun yeni auditoriyalar (lookalike audience) qura bilərsiniz. Bu auditoriyalar sizə bənzər maraqlara sahib insanlara çatmağa imkan yaradır.

Meta Pixel necə işləyir?

Meta Pixelin işləmə prinsipi sadədir. Kod parçası saytınıza əlavə edildikdən sonra, istifadəçilər hər hansı bir fəaliyyət göstərdikdə (məsələn, səbətə məhsul əlavə etdikdə), bu məlumat avtomatik olaraq Metaya ötürülür.

Pixel tərəfindən izlənilən bəzi hadisələr:

  • Page view - səhifəni ziyarət edən istifadəçi

  • Add to cart - məhsulu səbətə əlavə edən istifadəçi

  • Purchase - satın almanı tamamlayan istifadəçi

  • Lead - istifadəçi formu doldurur və ya qeydiyyatdan keçir

  • Search - sayt daxilində hər hansı məhsulu axtaran istifadəçi

 

Meta Pixel necə qoşulur?

1: Meta Business hesabı yaradın

Meta Pixeldən istifadə etmək üçün əvvəlcə Meta Business Manager hesabınız olmalıdır. Əgər hələ hesabınız yoxdursa, business.facebook.com saytına daxil olub qeydiyyatdan keçin.

2: Pixel yaradın

  1. Meta Business hesabına daxil olun.

  2. “Events Manager” bölməsinə keçid edin.

  3. “Connect Data Sources” seçin və “Web” üzərinə klikləyin.

  4. “Meta Pixel” seçin və ad verin.

meta pixel qurulmasımeta pixel qurulması




 

3: Pixel kodunu vebsayta yerləşdirin

Pixel kodu yaradıldıqdan sonra sizə HTML kod parçası təqdim olunacaq. Bu kodu saytınızın <head> bölməsinə yerləşdirin. Əgər WordPress istifadə edirsinizsə, “Header & Footer Scripts” və ya “pixelyoursite” kimi pluginlərdən faydalana bilərsiniz.

meta pixel kodu

4: Pixeli test edin

Kod yerləşdirildikdən sonra “Meta Pixel Helper” adlı brauzer əlavəsi ilə yoxlaya bilərsiniz. Əlavə, kodun düzgün işləyib-işləmədiyini sizə göstərəcək.

5: Hadisələri (Events) qurun

Meta Pixel yalnız səhifə ziyarətlərini deyil, həm də xüsusi fəaliyyətləri izləyə bilər. Məsələn, “AL” düyməsinə klikləmə və ya Element Visibility.

 

Meta Pixeli Google Tag Manager ilə necə qoşmaq olar?

1: Meta Pixel kodunu əldə et

  1. Meta Business hesabına (business.facebook.com) daxil ol.

  2. Events Manager bölməsinə keç.

  3. Yeni Pixel yarad və ya mövcud Pixeli seç.

  4. “Settings” hissəsinə daxil ol və “Dataset İD” kodunu kopyala.

2: Google Tag Manager hesabına daxil ol

  1. tagmanager.google.com saytına keç.

  2. Saytın üçün yaratdığın Containeri seç.

  3. Tags bölməsinə keç və New düyməsinə bas.

3: Yeni tag yarat

  1. Tagə ad ver .

  2. Tag Configuration seç və daha sonra Facebook pixel seç.

  3. Dataset ID’ni yerləşdir.

4: Trigger seç

  1. Trigger bölməsinə daxil ol.

  2. All Pages seç və trigger bütün səhifələrdə işləyəcək.

5: Event (Hadisə) kodlarını əlavə et

Bundan sonra yaratdığın Eventləri pixelə əlavə edə bilərsən.

Meta Pixel istifadə edərkən diqqət etməli məqamlar

1. Məlumatların dəqiq toplanması

Pixel kodunu səhv yerləşdirmə ötürülən məlumatların səhvliyinə yol aça bilər. Ona görə də hər zaman yoxlamaq vacibdir.

2. Gizlilik qaydalarına əməl etmək

İstifadəçilərin məlumatlarının izlənildiyini bildirmək üçün saytınızda cookie banner yerləşdirin.

3. Test və optimizasiya

Pixel yalnız məlumat toplayır. Əsas nəticə isə toplanan məlumatlara əsaslanaraq reklam kampaniyalarınızı optimallaşdırmaqla əldə olunur.

Meta Pixel-in biznesinizə faydaları

Daha dəqiq hədəfləmə

Əldə etdiyiniz məlumatlarla kimlərin reklamlarınızı gördüyünü dəqiq müəyyən edə bilərsiniz.

Reklam büdcəsinə qənaət

Yalnız real müştəri potensialı olan insanlara reklam göstərmək mümkündür.

Satışın artması

Siz istifadəçiləri yenidən hədəfləyərək satışlarınızı daha çox artıra bilərsiniz.

Meta Pixel və Google Analytics müqayisəsi

Çox vaxt yeni başlayanlar Meta Pixel və Google Analytics’i qarışdırır. Hər iki alət analitika üçün istifadə olunur, amma fərqli məqsədlərə xidmət edir.

1. Məqsəd

  • Meta Pixel  əsasən reklam kampaniyalarının effektivliyini ölçmək, dönüşümləri izləmək və hədəfləmə üçün məlumat toplamaq üçün istifadə olunur.

  • Google Analytics  saytınızın ümumi performansını izləmək, istifadəçilərin mənbələrini, davranışlarını və trafik qaynaqlarını analiz etmək üçündür.

2. Məlumat toplama üsulu

  • Meta Pixel -  Meta (Facebook və Instagram) platformaları ilə əlaqəli məlumatları toplayır və reklam hədəfləməsinə yönəlib.

  • Google Analytics - bütün trafik mənbələrini izləyir: Google, sosial media, e-mail marketinq, hətta birbaşa girişləri belə.

3. Faydalı olduğu sahələr

  • Meta Pixel - reklam büdcəsinin optimizasiyası, retargeting və lookalike audience yaratmaq üçün daha uyğundur.

  • Google Analytics - SEO, kontent strategiyası və ümumi istifadəçi davranışlarını öyrənmək üçün əvəzolunmazdır.

4. Birlikdə istifadəsi

Ən yaxşı nəticə üçün Meta Pixel və Google Analyticsi birlikdə istifadə etmək tövsiyə olunur. Beləliklə, həm reklam performansınızı, həm də saytınızın ümumi trafiki və istifadəçi davranışlarını eyni anda izləyə bilərsiniz.

   Ən Çox Verilən Suallar

  • + Meta Pixel pulsuzdurmu?
  • + Pixel bir neçə vebsaytda istifadə oluna bilərmi?
  • + Meta Pixel olmadan reklam aparmaq mümkündürmü?
  • + Meta Pixel hansı məlumatları toplayır?
  • + Meta Pixel istifadə etmək üçün vebsayt lazımdırmı?
  • + Meta Pixel məlumatları GDPR və ya digər məxfilik qanunlarına uyğundurmu?
  • + Meta Pixel-i mobil tətbiqə qoşmaq mümkündürmü?